Masu nuni

Sassa biyu da ke buye za su yi bitar manunai da hanyoyin tantancewa. Manunai masu inganci za su samar da ma'aunan inganci da adadi game da matakan aiwatar da shiri da kuma tasirinsa. Hanyar tantancewa na nufin matakan samu bayanan da suka dace da manunin.

logframe2

Mene ne manunai?

Manunai su ne ma'aunan adadi ko inganci na nau'uka ko matakan sauyi. A shirye-shiryen PVE a inda sauyi ya kasance abu mai sarƙaƙiya, sannan ya shafi halayya, ɗabi'u, da alaƙa, yana da matuƙar amfani a saita tare da bibiyar sauye-sauyen inganci da za a iya samu. 

Me ya sa za a yi amfani da su ?

Manunai na da amfani wajen nuna mana nau'ukan bayanai da za a tattara, sannan za su ba mu bayani game da lokaci, matakai, da dabarun tattara waɗannan bayanai. Amma abin lura shi ne, sai an ƙwanƙwance bayanan ne tukuna za mu iya fahimtar sauyin da ya samu. Ƙwanƙwancewa mai kyau ya haɗa da binciken ƙwaƙƙwafi na bayanai. Wannan na nufin tantance sahihancin bayanai daga waɗansu majiya a ƙalla guda biyu tare da amfani da matakai daban-daban kamar gwada sauye-sauyen adadi ta hanyar bayanan da aka tattara daga tattaunawar rukunin mutanen da ake bincika da kuma tsokacin manyan masu samar da bayanai. 

*Bayanin da ke sama ya fito ne daga UNDP/Faɗakarwar Ƙasa da Ƙasa

 

Manunan adadi da na inganci

 

indicators

 

Wannan bayani da ya fito daga Cibiyar Aminci ta Amurka ya bayyana waɗansu manyan ɓangarori da shirye-shiryen P/CVE ka iya samar da sauye-sauye ga: halayya, ɗabi'u, da dangantaka.

Ɗabi'u

Na iya auna:

  • Sauye-sauye ta fukar zamantakewa, siyasa, da imanin mutanen da aka tsara shiri dominsu, ciki har da ɗabi'unsu game da amfani da rikici da kuma fahimtar ra'ayoyinsu.

Wanda ya same shi:

  • Auna ilimin mutane game da VE, da kuma ra'ayinsu game da shi.

Rauni:

  • Wannan lissafi ya danganta ne ga hasahe game da dangantakar da ke tsakanin ra'ayoyin masu tsattsauran ra'ayi da kuma rikici. Ba dukkannin waɗanda ke da tsattsauran ra'ayi ne ke shiga rikici ko suke goyon bayan rikici ba.
Ɗabi'u da ayyuka

Na iya auna:

  • Sauye-sauye ga shigar da mutane ke yi cikin harkokin ƙungiyoyin VE (ciki har da yarda da farfagandar VE da harƙallolin kan intanet).
  • Sauye-sauye ga shiga cikin ayyukan da ba na rikici ba ko shiga cikin ayyukan da aka tsara domin bunƙasa fahimtar juna ko zaman lafiya ko domin yaƙar tsattsauran ra'ayi. 

Wanda ya same shi:

  • Bincike mabambanta, tambayoyi, nazarce-nazarce, da hujjoji, da kuma ta hanyar tattara bayanan aukuwar rikici.
Dangantaka da kafafen sada zumunta

Na iya auna:

  • Dangantaka ko alaƙar mutane da mambobi da ke waje da cikin al'ummar mutumin ko VEOs.
  • Mizanin haɗin kai da aiki da mutane ke yi a matakin al'umma.

Wanda ya same shi:

  • Dangantaka ko alaƙar mutane, sau da dama ta hanayr shirin P/CVE a kan intanet ko ta amfani da akawun-akawun ɗin kafafen sada zumunta da kuma masu bibiya domin gano sauye-sauyen rukuni da na dangantaka.

Rauni:

  • Matsalar da ta shafi ƙabilanci na iya aukuwa yayin da ake bibiyar rayuwar mutane ta sigar bincike.

Wannan albarkatu daga Cibiyar Aminci ta Amurka ta gano wasu mahimman yankuna waɗanda ayyukan P/CVE yakamata su auna canje-canje a: halaye, halaye, da alaƙa.

Title
Nau'ukan manunai

Akwai manyan nau'ukan manunai guda biyu: manunen sanya ido ga muhalli ke taimakawa wajen auna muhimman sauye-sauye da ke aukuwa a muhallin shiri (ciki har da abubuwan da za su kasance sun wuce ƙarfin ikonku); da manunan sanya ido ga aiki waɗanda ke taimakawa wajen auna cigaban da ake samu da suka shafi samun nasarar sakamakon da ake buƙata da/ko sakamakon shirin. A ƙasa an kawo misalan dukkannin nau'ukan maunai:

Manunan sanya ido a muhalli

A sanya ido a muhimman sauye-sauye da suka auku a muhallin da ake gudanar da shiri. Waɗannan sauye-sauye na iya shafar sauye-sauyen PVE wanda ke iya yin tasiri a kan shirin ko ya samar da sababbin damarmaki.

Misalai:

  • Adadin aukuwar rikice-rikice tsakanin al'umma ta A da al'umma ta B
Manunan sanya ido ga aiki  

Suna auna cigaban da aka samu game da aiki ta la'akari da manufofi da maƙasudan da aka zayyana a matakin sakamako, da kuma sakamako da cigaba a matakin tasiri.

Misala:

  • Adadin ayyukan karan kai da ke da manufofi masu alaƙa da CVE a cikin al'ummu, maƙwabta, ko makarantu masu fuskantar haɗari, da sauransu.
  • Kason rukunin mutanen da abin ya shafa da ke da ra'ayin cewa rukunonin VE na taka muhimmiyar rawa wajen isar kayayyaki da ayyukan da al'umma ke buƙata wadanda suka shafi tattalin arziki da zamantakewa.

*Da dama daga cikin misalan manunai da ke sama sun fito ne daga Ofishin CT. Domin samun ƙarin misalan manunai, ku duba wannan Rumbun Manunai daga Cibiyar Faɗakarwa ta Ƙasa-da-Ƙasa/UNDP, da kuma Bayyanannun Misalan Manunai na CVE daga Ofishin CT. 

Title
doc
Takardar Nazarin Manuniyar Aiki na Cibiyar Rigakafi
photo
Details

Takardar Aikin Manunai